Arestado ang leader umano ng Salvador Robbery and Illegal Drugs Group na kabilang sa Regional Top 10 Drug Personalities kasama ang tatlo pang suspek sa paglabag sa RA 10591, RA 9516, at RA 9165.
Kinilala ang mga suspek na sina Marlon Salvador y De Guzman, 37 years old, married, businessman, at residente ng Brgy., Mahipon, Gapan; Richard Ising y Peril, kwarenta anyos, driver, tubong Brgy., Magpayang, Mainit Surigao Del Norte; Arnel Morales y Tarriela, 29 years old; at Raymond Morales y Tarriela, trentay otso anyos, farm helper, kapwa tubong Brgy., Maliig, Lubang, Occidental Mindoro at kasalukuyang naninirahan sa Brgy., Bungo, Gapan City.
Base sa report ng Gapan City police, alas singko bente ng hapon noong July 16, 2022 nang ipatupad ng mga awtoridad Search Warrant na inisyu ni Executive Judge Elenita Evangelista- Casipit ng Regional Trial Court ng nasabing lungsod.
Huli umano sa aktong nagpa-pot session ang mga suspek kaya nakumpiska ang iba’t ibang klase ng mga baril, mga bala nito, dalawang piraso ng transparent plastic sachet na naglalaman ng hinihinalang shabu, drug paraphernalia, at cash money.
Tinatayang umaabot sa Php274,720.00 ang halaga ng 40.4 grams na nakuhang droga sa mga suspek.
