Natuklasan ni Kapitan Ramon “Suka” Garcia ng barangay Barlis, Cabanatuan City na isa pa lang immigrant sa Estados Unidos ang kanyang makakalaban sa pagka-alkalde na si Mayor Jay Vergara.
Ayon kay Kapitan Garcia, may isang tao na nagmalasakit sa kanya at ipinagbigay-alam na US immigrant ang kasalukuyang Punong Bayan ng Cabanatuan.
Dahil sa nadiskubreng impormasyon ay naghain ng petisyon si Kapitan “Suka” sa Commission on Elections upang makansela ang Certificate of Candidacy ni Vergara dahil hindi umano totoong limampong taon at apat na buwan na itong residente ng barangay Rizdelis, sa lungsod ng Cabanatuan.
Ang hamon ni Kapitan Garcia kay Mayor Jay sagutin nito ang kanyang alegasyon upang malaman ng mga Cabanatueño ang katotohanan.- ulat ni Clariza de Guzman
