Nagtagisan ng galing at lakas sa larong Men’s Basketball ang walong eskwelahan sa game 6 ng elimination round ng NECSL Season 7 na ginanap sa Our Lady of the Sacred Heart College of Guimba, noong October 11, 2018.
Sa unang laban ay tinambakan agad ng WUP Riders ang OLSHCO sa score na 69- 142.
Pinatumba rin ng NEUST Phoenix ang CIC Kings dahil sa ipinakitang teamwork at unity ng koponan na nagresulta ng tagumpay sa score na 103-52.
Dikit man ang naging laban, ipinakita pa rin ng CLSU Green Cobras ang determinasyon para magwagi kontra OLFU na 13 puntos ang naging lamang sa score na 84-71.
Hindi maikakaila ang pagkahumaling ng mga Novo Ecijanong mag –aaral sa sports na basketball dahil ipinakita nila na tunay naman silang mga determinado na makaangat sa isat – isa .
Nalalapit na ang laban ng mga makakalusot na koponan sa darating na Semi – Finals ng Men’s Basketball sa NECSL Season 7.
