Mayor Daus, pinabalik ang mga balotsa sa Treasurers office
Hinarang ni Mayor Alex Daus ang pagkolekta ng mga tauhan ng House of Representatives Electoral Tribunal sa mga ballot boxes sa munisipyo ng laur na naging dahilan ng pagkaantala nito.
Panandaliang Naantala ang pag kolekta sa mga balota ng mga kawani ng House of the Representative Electoral Tribunal (HRET) sa Office of the Treasurer sa loob ng munisipyo ng Laur nitong Sept 8 2017 ng ikagalit ni Mayor Alex Daus ang paglalabas aniya ng balota na hindi sya na iimpormahan.
Pag kuha ng balota, ipinagpatuloy rin
Ipinabalik sa loob ng Treasurers office ang mga balota at nagkaroon ng close door meeting sina Teofilo de Castro Jr. examiner mula sa HRET at si Mayor Daus. Ilang minuto pagkatapos ng close door meeting ay sinimulang muli ang pag bibilang sa mga ballot boxes. Umabot sa mahigit 37 boxes ang nakolekta sa Laur. Pagkatapos I-load sa truck ay kinuha naman ang mga listahan ng mga botante sa Comelec Office at dinala sa Comelec office sa Old Capitol Cabanatuan City na binabantayan ng Comelec, at mga representante ng dalawang partido.
37 ballot boxes, nakuha sa Laur
Matatandaan na dahil sa Electoral protest na inihain ni Former Governor Aurelio Umali laban kay Congressman Rosanna Vergara ay ipinakokolekta ng House of the Representative Electoral Tribunal ang mga balota sa ikatlong distrito ng Nueva Ecija. Gagamiting ebidensya ang mga nakolektang balota upang mapatunayan kung may nangyaring anomalya sa nakaraang 2016 elections. Ipadadala sa House of the representative electoral tribunal ang mga balota kung saan gagawin ang recount.-Ulat ni Amber Salazar
