USEC Emmanuel Bautista bilang guest speaker ng pagdiriwang ng ika 27th Founding Anniversary ng 7th Infantry Division
Kumpiyansa umano si Under Secretary Emmanuel Bautista na kayang tahakin nang hukbong sandatahan at hukbong katihan ang daan patungo sa pagiging World Class bilang source of pride ng bansa dahil sa kanilang transformation road map at bayanihan program.
Ito ang kanyang naging mensahe sa pagdiriwang ng ika 27th Founding Anniversary ng 7Th Infantry Division, na may temang “Kaugnay Troopers Kaagapay at Kaisa ng Sambayanan sa Kapayapaan at Kaunlaran”.
Binati nito ang tagumpay ng mga magigiting na mandirigma ng bansa sa mga programang kanilang inilulunsad para sa patuloy na kapayapaan at pagbibigay serbisyo sa taong bayan.
Tulad ng mga nagdaang pagdiriwang ng kanilang anibersaryo, pinarangalan dito ang mga natatanging mga sundalong nakapag-ambag at nagpakita ng matinding dedikasyon sa serbisyo publiko at sa bayan.
Binigyang pagpupugay din ang mga natatanging Infantry Brigade at Infantry Battalion na nagpakitang gilas mula sa training hanggang sa aktwal na mga operasyon.
