Naging makulay at napuno ng sayaw ng pasasalamat ang pagdiriwang sa Cosecha Para el Señor sa St. Nicholas de Tolentine Church sa Cabanatuan City dahil sa aprtisipasyon ng mga kabataan mula sa 23 barangay sa Cabanatuan na partisipante ng naturang pagdiriwang.
COSECHA PARA EL SEÑOR, PAG PAPASALAMAT SA MASAGANANG ANI SA CABANATUAN CITY
Ang Cosecha para el Señor ay ang pagdiriwang para kay Señor Santo Niño na dinadaluhan ng mga kristiyano sa lungsod ng Cabanatuan dala ang kanilang mga Santo mula sa kanilang mga tahanan at Simbahan sa kanilang mga Barangay. Ito ay pasasalamat sa masaganang ani at pasasalamat na rin sa paglayo ng Panginoon ng mga kalamidad sa lalawigan.
Kilala ang Cebu sa Sinulog festival iba pang lugar dahil sa kanilang malaking pagdiriwang ng pagbibigay pugay sa Panginoon at nais din ng mga deboto na makilala ang lungsod ng Cabanatuan sa Cosecha Para El Señor
12 POON, IPINARADA SA PRUSISYON
Ipinrusisyon din ang labing dalawang mga Poon na sinimulan ni :
Sto. Nino El Principe de Paz
Sto Niño Amorsolo del Mundo
Sto Niño de Ternate
Sto Nino del Carmen
Sto Niño del Santisimo Rosario de Licab
Sto Nino del Buena Suerte
Sto Niño El Peregrino
Sto Niño El Divino Berbo
Sto Niño Conquistador Del Mundo
Sto Niño De Esperanza
San Jose Esposo ng Mahal na Birheng Maria
Mahal na Birheng Maria
Señor Santo Niño
Inaasahan na sa susunod na taon ay mas lalaking muli ang dami ng mga cabanatueño na makikiisa sa pagdiriwang ng Cosecha para el Señor – Ulat ni Amber Salazar
