Humataw at nakisaya ang mga Cabanatueño, kasabay ng mga zumba fanatics sa Zumba Party na bahagi ng pagdiriwang ng Araw ng Cabanatuan na inihandog nina Gov. Cherry Umali, Former Gov. Atty. Oyie Umali at Cabanatuan City Vice Mayor Doc. Anthony Umali na ginanap sa Freedom Park.
Mas lalo pang ginanahan na mag zumba ang mga partisipante ng lumabas ang dalawang celebrity zumba instructor na na sina Zin Sexbomb Dancer Jopay at asawa nitong si Zin Joshua Zamora.
Samantala, enjoy na enjoy naman ang lahat na nakipag selfie kay Jopay at Joshua lalo na nung bumaba ng entablado ang dalawa.
Kasama rin naki sayaw ang iba’t ibang Zumba Instructor na nag mula sa Nueva Ecija sa pangunguna ng Yhambelle Aero Zumba Dance Studio na si Miss Bell.
Ayon pa kay Miss Bell bagamat bumuhos ang ulan ay hindi pa rin napigilan na ituloy ang naturang programa.
Makikita na masayang masaya ang mga Novo Ecijano sa naganap na Zumba Party kaya naman nagpapasalamat ang lahat sa Provincial Government sa patuloy na suporta.
Nagpasalamat naman ang dalawang celebrity sina Sexbomb Jopay at asawa nyang si Joshua sa mainit na pag tangap sakanila ng mga Novo Ecijano lalo na kina Gov. Cherry Umali, Vice Mayor Doc. Anthony Umali at Atty. Oyie Umali sa matagumpay na Zumba Party- Ulat ni Amber Salazar
