Kalaboso ang 2 operator at nasagip ang dalawampu’t siyam na mga kababaihan sa human trafficking, sa sabay-sabay na pagsalakay ng mga awtoridad sa magkakaibang lugar ng mga lungsod ng Cabanatuan, Munoz at bayan ng Talavera noong biyernes, March 24, 2017.
Ayon kay Police Senior Inspector Jacquiline Gahid ng Women and Children Protection ng Nueva Ecija Police Provincial Office(NEPPO), hinuli ang dalawampu’t siyam na babae dahil walang naipakitang health permits alinsunod sa Republic Act 9208.
Kabilang sa mga bar na ni-raid ng pulisya kasama ang RHU, Sanitary, BFP, CSWDO/MWDO at Business Permit and Licensing Office ay ang Jangos Videoke Bar, Spicy Bar, Chelsea Restobar at Pussycat Bar sa lungsod ng Cabanatuan; Castelo’s Videoke Bar, Charisma Videoke Bar, Eroma Videoke Bar, King Hi-Ram Videoke Bar at Moonlight Videoke Bar sa lungsod ng Munoz; at Princess Eatery, Simple Lady Resto Bar at Atarashi Videoke Bar sa bayan ng Talavera.
Sa kasalukuyan, ay sumasailalim sa counseling ng Department Of Social Welafare And Development ang mga nasagip na babae. Habang nakatakdang ipasara na ang dalawang bar sa Cabanatuan City dahil walang naipakitang business permit. – Ulat ni Danira Gabriel
